Sukh Jata Hai Har Shajar Mujh Mein
sukh jata hai har shajar mujh mein
kuchh duaen hain be-asar mujh mein
jaanta hi nahin hun main us ko
wo jo aane laga nazar mujh mein
dhup mein dekh kar parindon ko
ugne lagta hai ek shajar mujh mein
panw ab puchhne lage mujh se
main safar mein hun ya safar mujh mein
aaina dekh kar laga mujh ko
main nazar mein hun ya nazar mujh mein
dard mein Dub hi gai aawaz
hijr ne ab kiya asar mujh mein
Aslam Rashid 
(724) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544