Sun Kar Kitni Aankhen Niklin
sun kar kitni aankhen niklin
ek patthar mein sansen niklin
aankhon se ek dariya nikla
dariya se kuchh lashen niklin
gham ke bhi kuchh phul khile hain
zaKHmon se bhi shaKHen niklin
aage aage naKHun aae
pichhe pichhe banhen niklin
jis ko khoya tha aankhon ne
us ko lene yaaden niklin
kanTon ne kyun jashn manaya
phulon se kyun aahen niklin
un galiyon mein rah kar dekha
din se raushan raaten niklin
Aslam Rashid 
(677) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544