Tamasha Zindagi Ka Roz O Shab Hai
tamasha zindagi ka roz o shab hai
hamari aankhon ko aaram kab hai
chamakti hai tamanna jugnuon si
andheri raat mein raunaq ajab hai
zarurat Dhal gai rishte mein warna
yahan koi kisi ka apna kab hai
kahin duniya kahan us ke taqaze
wo tera mai-kada ye mera lab hai
zaban hi tera sarmaya hai lekin
'ata' KHamosh ye ja-e-adab hai
Ata Abidi 
(984) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544