Mehnat Se Mil Gaya Jo Dafine Ke Bich Tha
mehnat se mil gaya jo dafine ke bich tha
dariya-e-itr mere pasine ke bich tha
aazad ho gaya hun zaman-o-makan se
main ek ghulam tha jo madine ke bich tha
asl-e-suKHan mein nam ko pechidgi na thi
ibham jis qadar tha qarine ke bich tha
jo mere ham-sinon se baDa kar gaya mujhe
ehsas ka wo din bhi mahine ke bich tha
kam-zarfiyon ne zarf ko mazruf kar diya
jis dard mein ghira hun wo sine ke bich tha
hain mar-e-ganj mar ke bhi sab Dase hue
taqsim ka wo zahr KHazine ke bich tha
tufan-e-bahr KHak Daraata mujhe 'turab'
us se baDa bhanwar to safine ke bich tha
Ata Turab 
(849) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544