Jis Ki KHatir Maine Duniya Ki Taraf Dekha Na Tha
jis ki KHatir main ne duniya ki taraf dekha na tha
wo mujhe yun chhoD jaega kabhi socha na tha
us ke aansu hi batate the na ab lauTega wo
is se pahle to bichhaDte waqt yun rota na tha
rah gaya tanha main apne doston ki bhiD mein
aur hamdam wo bana jis se koi rishta na tha
qahqahon ki dhup mein baiThe the mere sath sab
aansuon ki barishon mein par koi bhiga na tha
ashk palkon pe bichhaD kar apni qimat kho gaya
ye sitara qimti tha jab talak TuTa na tha
marmarin gumbad pe rukti thi har ek pyasi nazar
par kasi ne maqbare mein gham chhupa dekha na tha
Ateeq Anzar 
(830) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544