Falak Par Koi Sazish Ho Rahi Hai
falak par koi sazish ho rahi hai
samundar par hi barish ho rahi hai
haTae ja rahe hain kaam ke log
nikammon par nawazish ho rahi hai
dabaya ja raha hai KHubiyon ko
jihaalat ki numaish ho rahi hai
burai chal rahi hai piTh pichhe
magar munh par sataish ho rahi hai
nawaza ja raha hai dushmanon ko
wafadaron se pursish ho rahi hai
'atiq' ab chal-chalaw ki ghaDi hai
duaon ki guzarish ho rahi hai
Ateeq Muzaffarpuri 
(2996) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544