Karta Main Ab Kisi Se Koi Iltimas Kya
karta main ab kisi se koi iltimas kya
marne ka gham nahin hai to jine ki aas kya
jab tujh ko mujh se dur hi rahna pasand hai
sae ki tarah rahta hai phir aas-pas kya
tujh se bichhaD ke hum to yahi sochte rahe
ye gardish-e-hayat na aaegi ras kya
ab tark-e-dosti hi taqaza hai waqt ka
tera qayas gar hai yahi to qayas kya
mana ki tera milna hai mushkil bahut magar
har lamha TuT jae ab aisi bhi aas kya
ek umr ho gai hai yahi sochte hue
apni kitab-e-zist ka hai iqtibas kya
'nadir' kahin to sair ko bahar bhi jaiye
har-dam kisi ki yaad mein rahna udas kya
Athar Nadir 
(767) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544