Barg-e-gul ShaKH-e-hijr Ka Kar De
barg-e-gul shaKH-e-hijr ka kar de
ai KHuda ab mujhe hara kar de
har palak ho nam-ashna mujh se
mera lahja bahaar sa kar de
mujh ko raushan mere bayan mein kar
KHamushi ko bhi aaina kar de
baiTh jaun na thak ke misl-e-ghubar
dasht mein surat-e-saba kar de
meri takmil harf-o-saut mein ho
mujhe paband-e-iltija kar de
kaun dastak pe kan dharta hai
tu mere hath dil-kusha kar de
ai jamal-e-dayar-e-kashf-o-kamal
mauja-e-rang ko nawa kar de
Ayub Khawar 
(1027) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544