Ek Tum Ki Ho Be-KHabar Sada Ke
ek tum ki ho be-KHabar sada ke
mausam hai ki hath mal raha hai
zahir mein saba-KHiram KHushbu
baatin mein nifaq pal raha hai
ai lazzat-e-hijr yaad rakhna
ye lamha-e-wasl khal raha hai
aaine mein aks Dhal raha hai
pani mein charagh jal raha hai
aankhon mein ghubar manzilon ka
qadmon mein sarab chal raha hai
jaise koi yaad aa raha ho
aankhon mein nasha pighal raha hai
hum us ke mizaj-ashna hain
jo baat ka ruKH badal raha hai
Ayub Khawar 
(810) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544