Wo Ruh Ke Gumbad Mein Sada Ban Ke Milega
wo ruh ke gumbad mein sada ban ke milega
ek din wo mujhe mera KHuda ban ke milega
bhaTkunga main is shahr ki galiyon mein akela
wo mujh ko mere dil ka KHala ban ke milega
wo daur bhi aaega ki har lamha-e-hasti
mujh se tere milne ki dua ban ke milega
kis zoam se bichhDa hai magar dekhna ye bhi
tu KHud se KHud apni hi saza ban ke milega
ashaar mein dhaDkeenge mulaqat ke lamhe
tu sab se mere fan ki baqa ban ke milega
Azad Gulati 
(851) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544