Wo Jo Kisi Ka Rup Dhaar Kar Aaya Tha
wo jo kisi ka rup dhaar kar aaya tha
mere andar basne wala saya tha
wo dukh bhi kyun hum ko tanha chhoD gae
kya kya chhoD ke hum ne jinhen apnaya tha
KHud tum ne darwaze band rakkhe warna
main ek taza hawa ka jhonka laya tha
meri ek aawaz se sari TuT gai
wo diwaren jin par tu itraya tha
viran dil mein gham ke prit bhaTakte the
meri chup par kisi sada ka saya tha
is mein ek janam-bhar ke dukh simTe the
wo aansu jo palkon par lahraya tha
Azad Gulati 
(764) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544