Lai Na Saba Bu-e-chaman Ab Ke Baras Bhi
lai na saba bu-e-chaman ab ke baras bhi
kuchh soch ke KHamosh hain yaran-e-qafas bhi
dastur-e-mohabbat hi nahin jaan se guzarna
kar lete hain ye kaam kabhi ahl-e-hawas bhi
nazuk hain marahil safar-e-manzil-e-gham ke
is rah mein kho jati hai aawaz-e-jaras bhi
aazad bhi ho jaenge aaKHir tere qaidi
ek rose bikhar jaegi zanjir-e-nafas bhi
angusht-numa shaiKH-o-barahman ke chalan par
masjid ke manare bhi hain mandir ke kalas bhi
diwana abhi tak hai usi dushman-e-jaan ka
aata hai dil-e-zar pe ghussa bhi taras bhi
kuchh aap ka gham kuchh gham-e-jaan kuchh gham-e-duniya
daman mein mere phul bhi hain KHar bhi KHas bhi
chup rah ke bhi mumkin na raha dard chhupana
ek shoala-e-awaz hai ab mauj-e-nafas bhi
Azeem Murtaza 
(895) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544