Karb-e-hijran Zi-bas Hai Kya Kije
karb-e-hijran zi-bas hai kya kije
hum ko teri hawas hai kya kije
ne dimagh-e-visal hai hum ko
kuchh unhen pesh-o-pas hai kya kije
hijr mein us nigar-e-taban ke
lamha lamha baras hai kya kije
nighat-e-gul ke aabginon mein
marg-e-shirin ka ras hai kya kije
garche darwesh hai 'azim' magar
us ko tujh se bhi mas hai kya kije
Azeem Qureshi 
(861) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544