Is Raste Mein Jab Koi Saya Na Paega
is raste mein jab koi saya na paega
ye aaKHiri daraKHt bahut yaad aaega
bichhDe huon ki yaad to aaegi jite-ji
mausam rafaqaton ka palaT kar na aaega
taKHliq aur shikast ka dekhenge log fan
dariya habab sath pe jab tak banega
har har qadam pe aaina-bardar hai nazar
be-chehragi ko koi kahan tak chhupaega
meri sada ka qad hai faza se bhi kuchh buland
zalim fasil-e-shahr kahan tak uThaega
tarif kar raha hai abhi tak jo aadmi
uTTha to mere aib hazaron ginaega
Azhar Inayati 
(1076) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544