Rangaten Masum Chehron Ki Bujha Di Jaengi
rangaten masum chehron ki bujha di jaengi
titliyan aandhi ke jhonkon se uDa di jaengi
hasrat-e-nazzargi bhaTkegi har har gam par
KHwab honge aur tabiren chhupa di jaengi
aahaTen gunjengi aur koi na aaega nazar
pyar ki aabaadiyan sahra bana di jaengi
is qadar dhundlaenge naqsh-o-nigar-e-azaru
dekhte hi dekhte aankhen ganwa di jaengi
fursaten hongi magar aisi baDhengi talKHiyan
sirf yaaden hi nahin shaklen bhula di jaengi
is qadar roengi aankhen dekh kar pichhle KHutut
aansuon se sari tahriren miTa di jaengi
raat ke jugnu pe hoga chaDhte suraj ka guman
zulmaten mahaul ki itni baDha di jaengi
Azhar Inayati 
(1453) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544