Sukut-e-shab

faza-e-zist pe chhai hai kaisi KHamoshi

na koi shor na shewan na girya-o-zari

na koi shikwa-ba-lab hai na koi fariyaadi

na koi dard ka qissa na koi zikr-e-alam

na siskiyon ka koi irtiash zholida

na dud-e-ah-o-fughan ki koi giranbari

na koi harf-e-alam hai na istiara-e-gham

na koi qatra-e-KHun hai siyahi-e-qirtas

sitam-kashon pe hai tari ajib aalam-e-yas

nahin hain aish ke naghme to gham ke git sahi

kisi ke halqa-e-zanjir hi ke saz bajen

kisi ka zaKHm-e-jigar hi chaTak ke de aawaz

kahin se dil ke dhaDakne hi ki sada aae

rafiqo kuchh to karo arz-e-haal ka saman

kisi tarah to koi dil-figar le phuTe

kisi tarah to fusun-e-sukut-e-shab TuTe

(723) Peoples Rate This

Azhar Qadiri's More Poetry

Your Thoughts and Comments

Sukut-e-shab In English By Famous Poet Azhar Qadiri. Sukut-e-shab is written by Azhar Qadiri. Read famous Poem Sukut-e-shab for youth and Student by Azhar Qadiri. Free Download Sukut-e-shab in PDF.