Sar Par Mere Umr-bhar Rahi Dhup
sar par mere umr-bhar rahi dhup
jis samt chala udhar chali dhup
kam aisi watan mein bhi na thi dhup
ghurbat mein bala-e-jaan bani dhup
man hai na yahan shajar hai koi
ta-hadd-e-nigah dhup hi dhup
barson se laTak rahi hai sar par
KHanjar ki tarah khinchi hui dhup
yaadon ke nihan-kade mein chamki
titli ke paron pe nachti dhup
ek rup ke nam an-ginat hain
bijli barsat chandni dhup
qaem rahen tere zulf-o-ariz
saya mera yahi yahi dhup
Azhar Saeed 
(831) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544