Bazi-e-ishq Mare BaiThe Hain
bazi-e-ishq mare baiThe hain
hath par hath dhare baiThe hain
hum hain aur girya-e-KHunin din-raat
phul daman mein bhare baiThe hain
dil mein aahen hain nazar su-e-falak
tir tarkash mein bhare baiThe hain
main bhi hun jaan se apni bezar
wo bhi ghusse mein bhare baiThe hain
kar chuke chaak gareban jab se
hath par hath dhare baiThe hain
meri mayyat ke sirhane wo 'aziz'
ashk aankhon mein bhare baiThe hain
Aziz Lakhnavi 
(883) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544