Partaw-e-husn Kahin Anjuman-afroz To Ho
partaw-e-husn kahin anjuman-afroz to ho
dil-e-pur-dagh mera maya-e-sad-soz to ho
kam se kam koi to saman tere aane ka karun
atlas-e-charKH to ho bistar-e-gul-doz to ho
rang-e-paira-e-chaman-josh mein kaliyan chaTken
khol de band-e-naqab aaj ki nau-roz to ho
dil mein paiwast na ho jo wo nazar hi kya hai
tir tarkash mein agar ho to jigar-doz to ho
na sahi sohbat-e-firdaus jahannam hi sahi
mahfil-e-aish na ho anjuman-e-soz to ho
kya natija hai 'aziz' aisi jabin-sai se
but ka sajda ho magar nasiya-afroz to ho
Aziz Lakhnavi 
(848) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544