Samne Aaina Tha Masti Thi
samne aaina tha masti thi
un par ek shan-e-KHud-parasti thi
mujh ko kabe mein bhi hamesha shaiKH
yaad-e-ayyam-e-but-parasti thi
sirf dil hi nahin jala mera
zarre zarre mein us ke basti thi
kyun zuleKHa teri adalat mein
husn ki jins aisi sasti thi
sujhta tha na intizar mein kuchh
dekhne ko nigah tarasti thi
dekhne hum gae the qabr-e-'aziz'
hae kya bekasi barasti thi
Aziz Lakhnavi 
(720) Peoples Rate This