Tasma-e-pa

kab se ye bar-e-garan

apne kandhon pe uThae hue tanha tanha

gasht karta hun main hairan hairan

main ne har-chand chhuDana chaha

aur mazbut hui us ki gulu-gir giraft

aur sangin hua jism-e-jawan par pahra

samne fasla-e-lamatanahi

dil mein saikaDon man chale armanon ke rangin charagh

jin ki KHushbu se moattar hai dimagh

jin se mumkin hai ki mil jae mujhe

gum-shuda jannat ka suragh

kab se kandhon pe uThae hue hairan hairan

waqt ka bar-e-garan

sochta hun ki agar

is ke pairon ke shikanje se nikal paun main

be-karan arsa-e-hasti mein bikhar jaun main

(659) Peoples Rate This

Your Thoughts and Comments

Tasma-e-pa In English By Famous Poet Aziz Tamannai. Tasma-e-pa is written by Aziz Tamannai. Read famous Poem Tasma-e-pa for youth and Student by Aziz Tamannai. Free Download Tasma-e-pa in PDF.