Ye Hum Par Lutf Kaisa Ye Karam Kya
ye hum par lutf kaisa ye karam kya
badal Dale hain andaz-e-sitam kya
zamana hech hai apni nazar mein
zamane ki KHushi kya aur gham kya
jab us mahfil ko hum kahte hain apna
phir us mahfil mein fikr-e-besh-o-kam kya
nazar aati hai duniya KHub-surat
mere saghar ke aage jam-o-jam kya
jabin hai be-niyaz-e-kufr-o-iman
dar-e-but-KHana kya sehn-e-haram kya
teri chashm-e-karam ho jis ki jaanib
use phir imtiyaz-e-besh-o-kam kya
mere mah-e-munawwar tere aage
charagh-e-dair kya sham-e-haram kya
nigah-e-naz ke do shobade hain
'aziz' apna wajud apna adam kya
Aziz Warsi 
(1193) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544