PaDe Hain Rah Mein Jo Log Be-sabab Kab Se
paDe hain rah mein jo log be-sabab kab se
pukarti hai unhen manzil-e-talab kab se
ye aur baat makinon ko kuchh KHabar na hui
laga rahe the muhafiz magar naqab kab se
koi bhi harba-e-tashhir kargar na hua
tamashbin hi rahi shohrat-e-adab kab se
ukhaD gai hain tanaben sitam ke KHemon ki
ulaT gai hai bisat-e-hasab-nasab kab se
na hausla hai dua ka na aah par hai yaqin
ki hum se ruTh gaya hai hamara rab kab se
samundaron se koi mauj-e-sar-buland uThe
ki sahilon pe taDapte hain jaan-ba-lab kab se
wo hum ne chun diye tanqid ki salibon par
machal rahe the jo kuchh harf zer-e-lab kab se
Bakhsh Layalpuri 
(868) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544