Yakayak Aks Dhundlane Lage Hain
yakayak aks dhundlane lage hain
nazar mein aaine aane lage hain
zamin hai muntazir fasl-e-ziya ki
falak par nur ke dane lage hain
KHizan aane se pahle banch lena
daraKHton par jo afsane lage hain
hamein is tarah hi hona tha aabaad
hamare sath virane lage hain
fasil-e-dil gira to dun main lekin
isi diwar se shane lage hain
kabhi faqa-kashi dikhlaegi rang
isi mein solahon aane lage hain
Bakul Dev 
(808) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544