Dida-e-tar

tum mere koi nahin

aur ye nannhi si jaan

kaun hai? koi nahin

main bhi tum donon ko shayad

ajnabi lagta hun shayad kuchh nahin

ain-mumkin hai ki roz-e-hashr ke imkan se hi qabl hum

apne apne raston par

roz o shab chalte hue

reg-e-na-malum ke tufan mein

aise bichhDen

phir kabhi na mil saken

ye jo lamha baKHt mein likkha hai hum sab ke KHuda ne

qurb ka, rang-e-tamazat ka, lahu ke rang ka

kash us lamhe mein hum

band kar len apni aankhon mein hasin chehre shagufe

qahqahe, raushan sitare

lahlahate jism

mauj-e-barq shoalon ka tamawwuj

maut ke, taKHliq ke asrar sab

KHana-e-maujud un sab ke liye

ab hamare dida-e-tar ke siwa kuchh bhi nahin

rasm-e-ruKHsat bhi kabhi hogi magar

lamha-e-benam ki tahwil mein

ghar, ye sach hai, muKHtasar hai

is fana-anjam jalte muKHtasar ghar ke siwa kuchh bhi nahin

(1164) Peoples Rate This

Your Thoughts and Comments

Dida-e-tar In English By Famous Poet Balraj Komal. Dida-e-tar is written by Balraj Komal. Read famous Poem Dida-e-tar for youth and Student by Balraj Komal. Free Download Dida-e-tar in PDF.