Kam Kam Rahna Gham Ke SurKH Jaziron Mein
kam kam rahna gham ke surKH jaziron mein
ye jo surKH jazire hain sab KHunin hain
kam kam bahna dil dariya ke dhaare par
ye jo gham ke dhaare hain sab KHunin hain
hijr ki pahli sham ho ya ho wasl ka din
jitne manzar-name hain sab KHunin hain
har kuche mein armanon ka KHun hua
shahr ke jitne raste hain sab KHunin hain
ek wasiyyat main ne us ke nam likhi
ye jo pyar ke nate hain sab KHunin hain
kaun yahan is raaz ka parda chaak kare
jitne KHun ke rishte hain sab KHunin hain
Baqa Baluch 
(894) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544