Hum Zarre Hain KHak-e-rahguzar Ke
hum zarre hain KHak-e-rahguzar ke
dekho hamein baam se utar ke
chup ho gae yun asir jaise
jhagDe the tamam baal-o-par ke
wada na dilao yaad un ka
nadim hun KHud e'tibar kar ke
ai baad-e-sahar na chheD hum ko
hum jage hue hain raat-bhar ke
shabnam ki tarah hayat ke KHwab
kuchh aur nikhar gae bikhar ke
jab un ko KHayal-e-waza aaya
andaz badal gae nazar ke
yun maut ke muntazir hain 'baqi'
mil jaega chain jaise mar ke
Baqi Siddiqui 
(669) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544