Gaya Shabab Na Paigham-e-wasl-e-yar Aaya
gaya shabab na paigham-e-wasl-e-yar aaya
jala do kaT ke is naKHl mein na bar aaya
qadam adam mein ye kah kar rakhunga ai qatil
hazar shukr ki main bar-e-sar utar aaya
misal-e-mehr wo qatil shua-e-ariz se
hazar tegh-e-qaza khinche ek bar aaya
azan di kabe mein naqus dair mein phunka
kahan kahan tujhe aashiq tera pukar aaya
teri talash mein ai mah misl-e-reg-e-rawan
na meri KHak ko baad az fana qarar aaya
phansa jo zulf mein chhuTa wo qaid-e-hasti se
riha hua jo tere dam mein shikar aaya
hamesha dekh ke majnun ko KHalq kahti thi
adam se 'barq' ki aamad hai pesh-kar aaya
Barq Mirza Raza 
(873) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544