Jab Ayan Subh Ko Wo Nur-e-mujassam Ho Jae
jab ayan subh ko wo nur-e-mujassam ho jae
gauhar-e-shabnam-e-gul nayyar-e-azam ho jae
marsiya ho mujhe gana jo sunun furqat mein
be-tere bazm-e-ghina majlis-e-matam ho jae
dekh kar tul-e-shab-e-hijr dua karta hun
wasl ke roz se bhi umr meri kam ho jae
dekh kar phulon ko angaron pe loTun ai gul
be-tere gulshan-e-firdaus jahannam ho jae
kam nahin milk-e-suleman se visal-e-saqi
gardish-e-jam mujhe halqa-e-KHatam ho jae
Barq Mirza Raza 
(957) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544