Rabt Har Bazm Se TuTe Teri Mahfil Ke Siwa
rabt har bazm se TuTe teri mahfil ke siwa
ranjishen sab ki gawara hain tere dil ke siwa
aise pahlu mein sama jao ki jaise dil ho
chain milta hai kahan mauj ko sahil ke siwa
chiKH Takra ke pahaDon se palaT aati hai
kaun sahta hai bhala war muqabil ke siwa
KHushk patton se chhuDa leti hain shaKHen daman
kis ne yaadon se nibhai hai yahan dil ke siwa
ek bichhDe hue sae ke taaqub mein 'bashar'
sabhi rahon pe gae hum rah-e-manzil ke siwa
Bashar Nawaz 
(1145) Peoples Rate This