Ye Zard Patton Ki Barish Mera Zawal Nahin

ye zard patton ki barish mera zawal nahin

mere badan pe kisi dusre ki shaal nahin

udas ho gai ek faKHta chahakti hui

kisi ne qatl kiya hai ye intiqal nahin

tamam umr gharibi mein ba-waqar rahe

hamare ahd mein aisi koi misal nahin

wo la-sharik hai us ka koi sharik kahan

wo be-misal hai us ki koi misal nahin

main aasman se TuTa hua sitara hun

kahan mili thi ye duniya mujhe KHayal nahin

wo shaKHs jis ko dil o jaan se baDh ke chaha tha

bichhaD gaya to ba-zahir koi malal nahin

(1604) Peoples Rate This

Your Thoughts and Comments

Ye Zard Patton Ki Barish Mera Zawal Nahin In English By Famous Poet Bashir Badr. Ye Zard Patton Ki Barish Mera Zawal Nahin is written by Bashir Badr. Read famous Poem Ye Zard Patton Ki Barish Mera Zawal Nahin for youth and Student by Bashir Badr. Free Download Ye Zard Patton Ki Barish Mera Zawal Nahin in PDF.