Kis Masti Mein Ab Rahta Hun

kis masti mein ab rahta hun

KHud ko KHud mein DhunD raha hun

duniya mein sab se hi juda hun

aaKHir main kis duniya ka hun

main to KHud ko bhul chuka hun

tum batla do kaun hun kya hun

ye bhi nahin hai yaad mujhe ab

kyun aaKHir rota rahta hun

ek duniya hai mere andar

us mein hi main ghum raha hun

mujh ko nind hai pyari ya phir

us ko bhi main hi pyara hun

wo ruKH apna pher chuke hain

main kis ko apna kahta hun

in lafzon ne manzil chhini

aap chalen main abhi aata hun

man to KHushiyan banT raha hai

main qatra qatra rota hun

KHud ka bojh hai kitna KHud par

kitna KHud ko jhel raha hun

mujh ko tum 'mahtab' na samjho

shayad main us ka saya hun

(721) Peoples Rate This

Your Thoughts and Comments

Kis Masti Mein Ab Rahta Hun In English By Famous Poet Bashir Mehtaab. Kis Masti Mein Ab Rahta Hun is written by Bashir Mehtaab. Read famous Poem Kis Masti Mein Ab Rahta Hun for youth and Student by Bashir Mehtaab. Free Download Kis Masti Mein Ab Rahta Hun in PDF.