Mana Usko Gila Nahin Mujhse
mana us ko gila nahin mujh se
kuchh to hai jo kaha nahin mujh se
haq nahin dosti ka aisa koi
jo ki us ko mila nahin mujh se
dil hi dil mein wo bughz rakhta hai
jo ba-zahir KHafa nahin mujh se
kuchh to hoga zarur is ka sabab
wo jo ab tak laDa nahin mujh se
lakh pichha chhuDana chaha magar
gham hua hi juda nahin mujh se
kaise rah paega wo mere baghair
jo alag hi raha nahin mujh se
jo ba-zahir KHafa hai ai 'mahtab'
wo ba-baatin KHafa nahin mujh se
Bashir Mehtaab 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544