Mohabbat Ki Intiha Chahta Hun

mohabbat ki intiha chahta hun

unhen hasil-e-ibtida chahta hun

use barmala dekhna chahta hun

adab ai mohabbat ye kya chahta hun

gham-e-ishq ka silsila chahta hun

main tujh tak tera wasta chahta hun

karam-ha-e-na-mustaqil ka gila kya

sitam-ha-e-be-intiha chahta hun

wo ghabra ke jis par nazar Dal hi den

main wo qalb-e-shorish-ada chahta hun

karam kijiye to karam ka hun talib

saza dijiye to saza chahta hun

teri yaad achchhi tarah zikr pyara

magar main tujhe dekhna chahta hun

tere ishq hi se bani meri hasti

tere ishq hi mein miTa chahta hun

jo taza kare qissa-e-tur 'basit'

main aisa hi ek waqia chahta hun

(1522) Peoples Rate This

Your Thoughts and Comments

Mohabbat Ki Intiha Chahta Hun In English By Famous Poet Basit Bhopali. Mohabbat Ki Intiha Chahta Hun is written by Basit Bhopali. Read famous Poem Mohabbat Ki Intiha Chahta Hun for youth and Student by Basit Bhopali. Free Download Mohabbat Ki Intiha Chahta Hun in PDF.