Waraftagi-e-ishq Na Jae To Kya Karen
waraftagi-e-ishq na jae to kya karen
tera bhi ab KHayal na aae to kya karen
KHud sharm-e-ishq dil ko miTae to kya karen
un tak nigah-e-shauq na jae to kya karen
mai-KHwariyan gunah sahi saqi-e-azal
jab abr jhum jhum ke aae to kya karen
ye dair wo haram ye kalisa wo mai-kada
apni taraf har ek bulae to kya karen
mumkin hai har KHayal ka dil se nikalna
tera KHayal aa ke na jae to kya karen
mana nigah-e-shauq rahe ehtiyat se
har jalwa KHud nazar mein samae to kya karen
'basit' sitam pe shukr-e-sitam chahiye magar
koi karam se hum ko miTae to kya karen
Basit Bhopali 
(1008) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544