Koi Kisi Ka Kahin Aashna Nahin Dekha

koi kisi ka kahin aashna nahin dekha

siwae us ke in aankhon ne kya nahin dekha

ye log mana jo karte hain ishq se mujh ko

inhon ne yar ko dekha hai ya nahin dekha

bhalai kya dil-e-kafir ne but mein pai hai

jahan mein koi itna bura nahin dekha

kuchh us jahan mein na dekhenge kyunki andhe hain

isi jahan mein jinhon ne KHuda nahin dekha

ba-rang-e-saya o KHurshid ai 'bayan' main ne

kabhu raqib se us ko juda nahin dekha

(830) Peoples Rate This

Your Thoughts and Comments

Koi Kisi Ka Kahin Aashna Nahin Dekha In English By Famous Poet Bayan Ahsanullah Khan. Koi Kisi Ka Kahin Aashna Nahin Dekha is written by Bayan Ahsanullah Khan. Read famous Poem Koi Kisi Ka Kahin Aashna Nahin Dekha for youth and Student by Bayan Ahsanullah Khan. Free Download Koi Kisi Ka Kahin Aashna Nahin Dekha in PDF.