Koi Samjhaiyo Yaro Mera Mahbub Jata Hai
koi samjhaiyo yaro mera mahbub jata hai
mera maqsud jata hai mera matlub jata hai
mubarak mah-e-kanan ai zuleKHa chashm-e-ma raushan
bas itni baat kahne misr mein yaqub jata hai
dua kah kar chala banda salam aakar karega phir
KHat aawe jab talak to bandagi se KHub jata hai
hunar apne kiye zahir agar tujh ko nahin bhate
to ab sau aib ka qail ho ye mayub jata hai
'bayan' jab main bayan karta hun ye mazmun mazmun ka
kabhu aankhen bhar aati hain kabhu ji Dub jata hai
Bayan Ahsanullah Khan 
(806) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544