Tegh ChaDh Uski San Par Aai
tegh chaDh us ki san par aai
dekhen kis kis ki jaan par aai
hum bhi hazir hain khinchiye shamshir
taba gar imtihan par aai
Tuk shikayat ki ab ijazat ho
nahin rukti zaban par aai
puchhiye haal-e-zar ye na kabhu
dil-e-na-mehrban par aai
dil hamara ki ghar ye tera tha
kyun shikast is makan par aai
kaT gai dudman-e-tak ki nak
duKHt-e-raz jab dukan par aai
Tuk to zalim sambhaal KHanjar-e-kin
karad ab ustuKHwan par aai
aalam-e-jaan se tu nahin aaya
ek aafat jahan par aai
ghair ke aage dil ki baat 'bayan'
aah meri zaban par aai
Bayan Ahsanullah Khan 
(794) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544