Sar-e-shorida Pa-e-dasht-e-paima Sham-e-hijran Tha

sar-e-shorida pa-e-dasht-e-paima sham-e-hijran tha

kabhi ghar tha bayaban mein kabhi ghar mein bayaban tha

tere kushte ko mahshar KHwab-e-asaish ka saman tha

ki sur afsana-go tha zalzala gahwara-jumban tha

jise sab nuh ke farzand kahte hain ki tufan tha

kisi jaan-dada-e-KHamosh ka andoh-e-pinhan tha

bala se chur kar do chur kar do shisha-e-dil ko

isi mein qaid hasrat thi isi mein band arman tha

na kholi aankh waqt-e-naza bimar-e-mohabbat ne

kisi ka parda rakhna tha koi aankhon mein pinhan tha

akele ai buto hum bhi na soe kunj-e-marqad mein

jo is pahlu mein hasrat thi to us pahlu mein arman tha

gae the raundne dil ko liye baiThe hain talwon ko

faro rag rag mein nashtar the nihan nas nas mein paikan tha

meri hasti ki mahshar mein koi tabir kya karta

kisi zulf-e-pareshan ka main ek KHwab-e-pareshan tha

qayamat tak pas-az-murdan rahi ek Tis si dil mein

wo kahte hain ki paikan tha main kahta hun ki arman tha

huzur-e-bulbul-e-kilk-e-'bayan' kis tarah khulte munh

ki bu-e-ghuncha san mahjub nutq-e-har-suKHan wan tha

(796) Peoples Rate This

Your Thoughts and Comments

Sar-e-shorida Pa-e-dasht-e-paima Sham-e-hijran Tha In English By Famous Poet Bayan Meeruti. Sar-e-shorida Pa-e-dasht-e-paima Sham-e-hijran Tha is written by Bayan Meeruti. Read famous Poem Sar-e-shorida Pa-e-dasht-e-paima Sham-e-hijran Tha for youth and Student by Bayan Meeruti. Free Download Sar-e-shorida Pa-e-dasht-e-paima Sham-e-hijran Tha in PDF.