ChhiDa Pahle-pahal Jab Saz-e-hasti
chhiDa pahle-pahal jab saz-e-hasti
to har parde ne di aawaz-e-hasti
KHayal-e-yar tere sadqe jaun
tere dam se hai soz-o-saz-e-hasti
main marne ke liye paida hua hun
mera anjam hai aaghaz-e-hasti
sukun-e-kaenat-e-dil baqa hai
ajal ek jumbish-e-parwaz-e-hasti
meri KHak-e-sahar ka zarra zarra
hai 'bedam' maKHzan-e-sad-raaz-e-hasti
Bedam Shah Warsi 
(915) Peoples Rate This