Jab Kucha-e-qatil Mein Hum Lae Gae Honge
jab kucha-e-qatil mein hum lae gae honge
parde bhi darichon ke sarkae gae honge
mai-KHane mein jab zahid pahunchae gae honge
KHatir ke saliqe sab apnae gae honge
jab satwat-e-shahi ko kuchh Thes lagi hogi
suli pe kai sarmad laTkae gae honge
chandi ke gharondon ki jab baat chali hogi
miTTi ke khilaunon se bahlae gae honge
jab shish-mahal koi tamir hua hoga
diwaron mein diwane chunwae gae honge
wo kuchh bhi kahen lekin tanhai ke aalam mein
kuchh git tere 'bekal' dohrae gae honge
Bekal Utsahi 
(1197) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544