Kyun Main Ab Qabil-e-jafa Na Raha
kyun main ab qabil-e-jafa na raha
kya hua kahiye mujh mein kya na raha
un ki mahfil mein us ke charche hain
mujh se achchha mera fasana raha
waiz o mohtasib ka jamghaT hai
mai-kada ab to mai-kada na raha
uf-re na-ashnaiyan us ki
chaar din bhi to aashna na raha
lakh parde mein koi kyun na chhupe
raaz-e-ulfat to ab chhupa na raha
itni mayusiyan bhi kya 'beKHud'
kya KHuda ka bhi aasra na raha
Bekhud Badayuni 
(666) Peoples Rate This