Kyun Mera Haal Qissa-KHwan Se Suno
kyun mera haal qissa-KHwan se suno
ye kahani meri zaban se suno
gham hi gham hai mere fasane mein
dukh hi dukh hai use jahan se suno
mujh se puchho tum apne ji ka haal
raaz ki baat raaz-dan se suno
gham mere dil mein tum ho parde mein
sach to hai tum use kahan se suno
chhup gaya hai fasana-e-'beKHud'
kabhi tum bhi to qissa-KHwan se suno
Bekhud Badayuni 
(702) Peoples Rate This