Kabhi To Samne Aa Be-libas Ho Kar Bhi

kabhi to samne aa be-libas ho kar bhi

abhi to dur bahut hai tu pas ho kar bhi

tere gale lagun kab tak yun ehtiyatan main

lipaT ja mujh se kabhi bad-hawas ho kar bhi

tu ek pyas hai dariya ke bhes mein jaana

magar main ek samundar hun pyas ho kar bhi

tamam ahl-e-nazar sirf DhunDhte hi rahe

mujhe dikhai diya surdas ho kar bhi

mujhe hi chhu ke uThai thi aag ne ye qasam

ki na-umid na hogi udas ho kar bhi