Kahan Pahunchega Wo Kahna Zara Mushkil Sa Lagta Hai
kahan pahunchega wo kahna zara mushkil sa lagta hai
magar us ka safar dekho to KHud manzil sa lagta hai
nahin sun paoge tum bhi KHamoshi shor mein us ki
use tanhai mein sunna bhari mahfil sa lagta hai
bujha bhi hai wo bikhra bhi kai TukDon mein tanha bhi
wo surat se kisi aashiq ke TuTe dil sa lagta hai
wo sapna sa hai saya sa wo mujh mein moh-maya sa
wo ek din chhuT jaana hai abhi hasil sa lagta hai
ye lagta hai us ek pal mein ki main aur tu nahin hain do
wo pal jis mein mujhe mazi hi mustaqbil sa lagta hai
Bhavesh Dilshad 
(970) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544