Ris Raha Hai Muddat Se Koi Pahla Gham Mujh Mein
ris raha hai muddat se koi pahla gham mujh mein
rasta banata hai aansuon ka nam mujh mein
tujh se yun shahanshaha ho to kya shikayat ho
gah shor karte hain tere besh o kam mujh mein
main wo lauh-e-sada hun jo tujhe ayan kar de
raushni ke KHat mein hai ek nafas raqam mujh mein
umr ki udasi ke dusre kinare par
ek ajnabi chehra ho raha hai zam mujh mein
tai hua ki marna to lazmi natija hai
ghunT ghunT girta hai zindagi ka sam mujh mein
Bilal Ahmad 
(790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544