Shafaq Se Baam-e-falak Lala-gun Bhi Hota Hai

shafaq se baam-e-falak lala-gun bhi hota hai

tulua hone mein suraj ka KHun bhi hota hai

mere qarib na aa mujh se ehtiyat barat

KHirad ke sath mujhe kuchh junun bhi hota hai

har ek sar ko nahin rahti hajat-e-shana

koi koi sar-e-neza fuzun bhi hota hai

suna hai main ne aziyyat maza bhi deti hai

suna hai dil ki KHalish mein sakun bhi hota hai

gae wo din ki ajab kaifiyat si rahti thi

main sochta tha mohabbat mein yun bhi hota hai

(826) Peoples Rate This

Your Thoughts and Comments

Shafaq Se Baam-e-falak Lala-gun Bhi Hota Hai In English By Famous Poet Bilal Ahmad. Shafaq Se Baam-e-falak Lala-gun Bhi Hota Hai is written by Bilal Ahmad. Read famous Poem Shafaq Se Baam-e-falak Lala-gun Bhi Hota Hai for youth and Student by Bilal Ahmad. Free Download Shafaq Se Baam-e-falak Lala-gun Bhi Hota Hai in PDF.