Shafaq Se Baam-e-falak Lala-gun Bhi Hota Hai
shafaq se baam-e-falak lala-gun bhi hota hai
tulua hone mein suraj ka KHun bhi hota hai
mere qarib na aa mujh se ehtiyat barat
KHirad ke sath mujhe kuchh junun bhi hota hai
har ek sar ko nahin rahti hajat-e-shana
koi koi sar-e-neza fuzun bhi hota hai
suna hai main ne aziyyat maza bhi deti hai
suna hai dil ki KHalish mein sakun bhi hota hai
gae wo din ki ajab kaifiyat si rahti thi
main sochta tha mohabbat mein yun bhi hota hai
Bilal Ahmad 
(925) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544