Nostalgia

wo din kitne munawwar the

kisi ko bazuon mein be-tarah bharne ki KHwahish se

ayagh-e-jism-o-jaan ek be-KHudi mein jab laba-lab tha

chanaron ke badan mein sruKH-ru masti dahakti thi

kuchh aisa haal besh-o-kam hamare dil ka bhi tab tha

wo din kitne munawwar the

ki bachpan ki hasin shamon ke sae baat karte the

tu jaise dur ufuq qulqul se hansta tha, jahan rab tha

ki har lazzat zaban ko yaad ke name sunati thi

ki har KHushbu se paiwasta koi pichhla jahan jab tha

mohabbat dil ke KHali dasht mein jab sair karti thi

so is taraj ke aage hamein kuchh hosh hi kab tha

KHushi ka narm-par tair badan mein sarsaraata tha

to aansu bhi umaDte the, KHushi ka ye bhi ek Dhab tha

wo din kitne munawwar the

tahi-kesa zamane sarKHushi se jab chhalakte the

bhare din jis se KHali hain tahi kison mein wo sab tha

(930) Peoples Rate This

Your Thoughts and Comments

Nostalgia In English By Famous Poet Bilal Ahmad. Nostalgia is written by Bilal Ahmad. Read famous Poem Nostalgia for youth and Student by Bilal Ahmad. Free Download Nostalgia in PDF.