Sote Mein Muskuraate Bachche Ko Dekh Kar

teri maKHmur si muskan abhi dekhi to yaad aaya

meri muskan par ek din mujhe man ne bataya tha ki chhoTa tha to aksar nind mein main muskuraata tha

(uluhi ungliyon ki chheD ka miTha tarannum mere lab par raqs karta tha)

ki jaise gudgudi ke ek latif ehsas ki qulqul se meri nind hansti thi

ye guzre kal ka qissa hai, wo guzre kal ki basti thi

KHuda ka aur man ka aur bachpan ka zamana tha

wo jis mein ji raha tha main asatiri zamanon ka koi pahla fasana tha

ki ahd-e-be-KHuda mein be-aman be-saeban hun main

sau nind aati nahin mujh ko, aur aae bhi to Dar ki chap se har KHwab kanp uTThe

sau marg-e-KHwab ki rut mein

teri maKHmur si muskan abhi dekhi to viran-KHana-e-lab se dua nikli

KHuda ki aur teri chheD yunhi umar bhi Thahre

uluhi ungliyon ka lams daim mo'tabar Thahre

tere har KHwab ke us par ek KHwab-e-digar Thahre

(844) Peoples Rate This

Your Thoughts and Comments

Sote Mein Muskuraate Bachche Ko Dekh Kar In English By Famous Poet Bilal Ahmad. Sote Mein Muskuraate Bachche Ko Dekh Kar is written by Bilal Ahmad. Read famous Poem Sote Mein Muskuraate Bachche Ko Dekh Kar for youth and Student by Bilal Ahmad. Free Download Sote Mein Muskuraate Bachche Ko Dekh Kar in PDF.