Apni To Koi Baat Banae Nahin Bani
apni to koi baat banae nahin bani
kuchh hum na kah sake to kuchh us ne nahin suni
yun to chahaar samt hai apne hisar-e-shab
hum tirgi ko chhed ke late hain raushni
nadida manzaron se tarashe hain KHwab zar
kab dar-KHur-e-nigah koi manzar hai didani
ochha tha war us ka magar hum na bach sake
kisi zahr mein bujhai thi us shaKHs ne ani
har-dil-aziz wo bhi hai hum bhi hain KHush-mizaj
ab kya bataen kaise hamari nahin bani
auron ki tarah hum bhi magar jhel jaenge
sab zindagi samajhte hain jis ko wo jaan-kani
'bilqis' apni baat to sab se alag rahi
na-guftani suni hai kahi na-shunidani
Bilqis Zafirul Hasan 
(913) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544